गर्छ्याै मिठाे बात भेटेपछि ।
छिट्टै हुन्छ रात भेटेपछि ।
एकान्तमा चढ्दाे जवानी हुँदा
चढि हाल्छ मात भेटेपछि ।
बाेलाउँछ्याै फुल देखाउँदै
दिन्छ्याै अनि पात भेटेपछि ।
हराउँदै बैँशकाे उन्मातमा
समाउँछ्याै हात भेटेपछि ।
शंका लाग्छ यार मलाई त
दिन्छ्याै कि घात भेटेपछि ।
झुटा कसम कति खायौ हाेला है ।
अन्त पनि माया लायाै हाेला है ।
हजार दिल चहार्दै हिँड्दा खेरि
तिरस्कार र घृणा पायौ हाेला है ।
यस्तो हाेस् भगवान उस्तो हाेस भन्दै
देवि पुज्न मन्दिर धायाै हाेला है ।
आँखा मारिमारि मन्द मुस्कान छर्दै
दुईचार दिन खुसि छायाै हाेला है ।
यस्तो हाे साँचो माया पिरिम भनेर
दुनियाँलाई भजन गायाै हाेला है ।
काेहि आउनु जानू याे त रित नै हाे ।
झुटा कसम खानु याे त रित नै हाे ।
दुइचार दिन खुसि दिए जस्तो गरि
जाँदा खाेसि लानु याे त रित नै हाे ।
दिन्छे उ आफैं मुटु भरि पीडा मलाई
भन्छे अझै सानू याे त रित नै हाे ।
जताततै मुसलधारे पानी दर्किदिँदा
चुहिनु खरकाे छानु याे त रित नै हाे ।
भन्छन् सबै धेरै पढ्नु बुद्धि लगाएर
बन्नुपर्छ भानु याे त रित नै हाे ।
खुल्ला थियो दिल बन्द थिएन ।
त्यहाँ प्रितकाे कुनै सुगन्ध थिएन ।
आउने गर्थिन सधैं आवेगमा उनी
उसको प्रेम गति मन्द थिएन ।
लेख्या रैछ प्रेम सायरि पत्रहरुमा
मिल्दो अनुप्रास अनि छन्द थिएन ।
देखिन्थ्यो केही नजरमा कसुर उसको
तर आवाजमा त्यो बुलन्द थिएन ।
आँखाले त प्रेम भाव सधैं झल्काउँथ्याे
तर मुखले प्रेम गर्छु भन्द थिएन ।
दिल भित्र पिरतिकाे ताल देउन मलाई ।
अरे यार त्यो घाँटीकाे रुमाल देउन मलाई ।
रुझ्न मन छ डुब्न मन छ पिरतिकाे सागरमा
मन्द मन्द प्रेम फाल्ने छाल देउन मलाई ।
कस्तो मज्जाले हिँड्छ्याै बेग्लै छ स्टाईल
तिम्रो जस्तै हिँड्न मिल्ने चाल देउन मलाई ।
कसरी पार्न मिल्छ माछि झैं प्रेम जालमा
मुटु तान्ने प्रेम रुपि जाल देउन मलाई ।
सधैंभरि तिम्रो काखमा लड्ने रहर मेरो
उमंग र खुसि मनमा बबाल देउन मलाई ।
अचेल नजर डुलाउछु म बारिहरुमा ।
सजिएको देख्छु उनलाई सारिहरुमा ।
भेट हुन्छ कि भन्ने आशले चहार्दै हिँड्छु
तर कहिल्यै भटिन मैले चाैतारिहरुमा ।
उबेलामा सँगैसँगै हिँड्ने डुल्ने गर्थ्याैँ हामी
अचेल उसले पाउ राख्दिन घारिहरुमा ।
कहिलेकाहीँ भेट हुँदा निराश हुँदै हेर्छे मलाई
सायद अतीत देख्छे मेरो दारिहरुमा ।
शालीन बन्दै घर धान्ने लक्ष्मी हुँ भन्दै
कहिले आउँछ परिवर्तन नारिहरुमा ।
तिम्रो शहरमा भेट्छु तिमिलाइ ।
पहिलो प्रहरमा भेट्छु तिमिलाइ ।
निरन्तर बगिरहनु माया बाेकेर
प्रितकाे नहरमा भेट्छु तिमिलाइ ।
सधैं बयान गर्छु म तिम्रो मुहारकाे
गजल बहरमा भेट्छु तिमिलाइ ।
बाध्यताले धेरै टाढा भए पनि
मनको रहरमा भेट्छु तिमिलाइ ।
पिउने गर्छु हल्का याद भुलाउन
त्यहि जहरमा भेट्छु तिमिलाइ ।
फेरि घुम्दै आउँछ रात दिन ढलेपछि ।
आफ्नाले नि दिन्छन् घात दिन ढलेपछि ।
सबै समान हुन्छन् यहाँ काेहि ठुलो हुन्न
रहन्न सानाेठूलाे जात दिन ढलेपछि ।
कसलाई थाहा हुन्छ र यहाँ भाग्यका कुरा
पर्न सक्छ बज्रपात दिन ढलेपछि ।
बेहाेसि भै डुब्दा खेरि माया पिरतिमा
अझै चढ्छ जवानी मात दिन ढलेपछि ।
कति धुम्म पर्छ्याै यार जवानिमा पनि
मिठा मिठा गर बात दिन ढलेपछि ।
देखिन यार दाग जवानी भित्र ।
प्रेमको छ राग जवानी भित्र ।
हल्काहल्का आँखा झिम्कयाएर
राख्छे दिलकाे माग जवानी भित्र ।
साँच्चिकै जिन्दगी सुप्पिने हाेर
मलाई नि छ भाग जवानी भित्र ।
यसै गरि भक्ति देखायाै भने
बन्न सक्छ्याै नाग जवानी भित्र ।
तिमी र म सुटुक्क खानुपर्छ भनी
राखेको छु साग जवानी भित्र ।
बाेकि प्रितकाे छाता तिमी गएपछि ।
के रह्यो र नाता तिमी गएपछि ।
बिछाेडकाे पिरले भक्कानिएर रुँदा
भए आँखा राता तिमी गएपछि ।
बाँकी छ अझै प्रेमको हिसाब किताब
उधारो छ खाता तिमी गएपछि ।
कुरा काट्छन् अचेल दुनियाँले मेरो
च्याति दिलकाे गाता तिमी गएपछि ।
तड्पिएर बाँचेको छु तिम्रो यादमा प्रिय
फर्काइ मेरो पाता तिमी गएपछि ।
भेट हुँदा केही भने जस्तो गर्छे ।
आत्मिय मित्र नि बने जस्तो गर्छे ।
साथीकाे अगाडि त माया देखाउदिन
बरु उल्टै खुइराे खने जस्तो गर्छे ।
मन्द स्पर्श गर्दै समाओस भनेर हाेला
आत्था भन्दै रुँदै कने जस्तो गर्छे ।
मात्तिएर बाेल्छे यार फाेनमा पनि सधैं
नाता अजम्बरि र'ने जस्तो गर्छे ।
भन्छे जस्तोसुकै दुख नि झेल्न सक्छु
कत्ति न दुख स'ने जस्तो गर्छे ।
जब भेट्ने मन भयो अँधेरिमा ।
बेहाेसि भइ चुम्बन भयो अँधेरिमा ।
खाेलि उसले पनि मन भित्रका कुरा
तिता मिठा गन्थन भयो अँधेरिमा ।
मज्जा त भेटमा सधैं हुने गर्छ
साँच्चिकै मज्जा झन भयो अँधेरिमा ।
जब चढ्यो जवानिकाे रंग जिन्दगीमा
अनि एउटै तन भयो अँधेरिमा ।
शंकाले त माया छुट्न सक्छ भन्दै
हरेक कुरा कन्चन भयो अँधेरिमा ।
अन्तै लगन कस्नुकाे नि कारण त केही हाेला ।
पराइ मनमा बस्नुकाे नि कारण त केही हाेला ।
पाएकि छैनाै कि के हाे चाहे जति खुसि तिमिले
भेट्दा आँसु खस्नुकाे नि कारण त केही हाेला ।
मलाई भुलि सिन्दुर पहिरि दुलही बन्दै उसको
उसको घरमा पस्नुकाे नि कारण त केही हाेला ।
भन्छ्याै सधैं तिम्रो यादले मलाई तड्पाउँछ
पलपल मुटु डस्नुकाे नि कारण त केही हाेला ।
कि गएकि हाैउ तिमी सुख पाउने प्रलोभनमा
चट्ट सिन्दुर घस्नुकाे नि कारण त केही हाेला ।
काेहि जल्ने काेहि जलाउने यस्तै छ संसार ।
आफ्नो मात्रै राज्य चलाउने यस्तै छ संसार ।
यहाँ अधिकार माग्छन् सडकमा टायर बालेर
साेझा हाेमिने बाठाेले छलाउने यस्तै छ संसार ।
यहाँ सपना बाँड्छन् सबै क्षमताभन्दा बढीको
सुन्तला भन्दै कागती फलाउने यस्तै छ संसार ।
जनतालाई देश बनाउने सुन्दर सपना देखाएर
आफ्नै देशको ढुकुटी ढलाउने यस्तै छ संसार
।
स्वयंम आफ्नो सुरक्षा दिनेलाई आफैंले मारेर
शक्ति हुनेले सरकार गलाउने यस्तै छ संसार ।
बेमौसमी बर्षात नभइदिए हुन्थ्यो ।
सानाेठुलो जात नभईदिए हुन्थ्यो ।
म सधैं साेच्छु याे माया प्रेममा
कसैबाट घात नभईदिए हुन्थ्यो ।
त्यो सुन्दर गुलाफकाे वरिपरि
काँडा अनि पात नभईदिए हुन्थ्यो ।
कहिलेकाहीँ उनिसित मेरो भेट हुँदा
दिन ढलेर रात नभईदिए हुन्थ्यो ।
त्यो तिम्रो सुन्दर मुहार देख्दा लाग्छ
जवानिमा मात नभईदिए हुन्थ्यो ।
काेहि गुमेनि काेहि पाउने चाहना थियो ।
एउटि शीत माया लाउने चाहना थियो ।
प्रितकाे झुपडी अविश्वासले चुहियाे भने
हामी दुई मिलेर छाउने चाहना थियो ।
एकान्तमा हामी दुई अँगालोमा बेरिएर
सुमधुर मनको भजन गाउने चाहना थियो ।
पूरा भएनन् मेरो त्यी मनका रहरहरु सानू
तिमिलाइ पाउन मन्दिर धाउने चाहना थियो ।
तिमिले त सुटुक्क बिहे गरिसकिछ्याै सानू
मलाई तिम्रो बिहेमा आउने चाहना थियो ।
कसैको नजरमा गड्दै छु म ।
मायाको शिखर चढ्दै छु म ।
तिमी पछि बसि खुट्टा तान्नु
बिस्तारै अघि बढ्दै छु म ।
मनाउन तयार हुनु तिमी खुसियाली
सफलताको बाटोमा लड्दै छु म ।
के हाे जीवन के हाे प्रित बुझ्न भनेर
स्वयम् आफैंलाई पढ्दै छु म ।
दुनियाँले अब धारे हात लाउने छन्
समाजकाे नजरमा सड्दै छु म ।
बनाउछु भन्नेले देश लुटेको देखियो ।
सर्वहाराका पार्टी पनि फुटेको देखियो ।
सत्ताको बार्गेनिङमा कुरा नमिल्दा खेरि
एउटा गुटले अर्को गुट कुटेको देखियो ।
क्रान्ति सफल पार्छु भन्दै अघि बढेकाहरु
विचार नमिल्दा बिचैमा छुटेको देखियो ।
यत्ति सम्म गिर्दा रहेछन् राजनीति गर्नेहरु
आन्दोलन भन्दै जनता चुटेकाे देखियो ।
समर्थन गर्ने क्रान्तिकारी नत्र प्रतिगामी अरे
क्रान्ति भन्दै युवालाई भुटेको देखियो ।
बाेल्नै सकिन भेटमा प्रिय ।
गफ गराैँ बरु नेटमा प्रिय ।
पुटुस्स पेट उठेको देखेँ
भन के थियो पेटमा प्रिय ।
तिमिलाइ लिन म घरमै आउछु
कुरेर बस है गेटमा प्रिय ।
मज्जाले गफ तिमी शीत हान्न
माेबाइल लान्छु ट्वाइलेटमा प्रिय ।
माेबाइमा खासै नेटवर्क छैन
कल गर फाेन सेटमा प्रिय ।
यसरी मायाको खानि भयाै भने ।
दिल माेथ्ने मदानि भयौ भने ।
कसरी आफुलाइ सम्हाल्नु मैले
तप्पतप्प चुहिने पानी भयौ भने ।
मनमा पीडा लुकाएर हाँस्छु बरु म
साँच्चिकै दिलकाे रानी भयौ भने ।
पागल भै म त मर्छु हाेला प्रिय
अन्तै बसाइँ जानि भयाै भने ।
खुसियाली जिन्दगीमा छर्ने छु म
जतासुकै सँगै लानि भयाै भने ।
