अनुहार र व्यवहार

२०७१-७-८
अनुहार झट्ट देख्दा मनिसलाइ एक अर्काको बिचमा परिचित गराउने माध्यम या मानव अंग हाे । मानिसलाई एकअर्काको बिचमा परिचित गराउन उसका व्यवहार र अनुहारले सहयोग पुर्‍याउदछ । मनिसका अनुहार हरेक व्यक्ति व्यक्ति अनुसार फरकफरक हुने गर्दछ । तथापि उसको अनुहारको सुन्दरताले हरकसैलाई एकै भेटमा माेहित या घृणित जे पनि पार्न सक्छ । तर मानिसको व्यवहार एउटा यस्तो चिज हाे  जसले तपाईं एकअर्काको बिचमा भेट नभईकन पनि एकअर्कालाई चिन्न सक्नु हुन्छ । अनुहार राम्रो छ भने तपाई कसैको मष्तिष्कमा सजिलैसँग बस्न सक्नु हुन्छ । कसैले तपाईंको अनुहार राम्रो देखेर आँखामा सजाउन सक्ला तर व्यवहार र चरित्र राम्रो छ भने तपाईं हरेककाे मनमुटु र ढुकढुकिमा सजिन सक्नु हुने छ । तपाईंको सुन्दर अनुहार उमेरकाे बृद्धिसँगै चाउरि परेर कुरुप हुन्छ तर तपाईंको चरित्र राम्रो  छ व्यवहार राम्रो छ र यसलाई राम्रो राखिरहने दृढता राख्नु भयाे भने निश्चयपनि याे जिवन्त सुन्दर रहिरहने छ । तसर्थ  तपाईंको सुन्दर अनुहारको कारण तपाईं कसैकाे सम्झनामा बस्नु भएकाे रहेछ भने उसले समयकाे बेगसँगै तपाईंको सम्झनालाई पनि भुलि दिने छ र अर्को कुनै सुन्दर अनुहारलाई आँखामा सजाउने छ ।मान्छे  अनुहारको सुन्दरता परिवर्तन गर्न रुपैयाँकाे खर्च गर्छ   तर सजिलोसँग दृढता राखेर  परिवर्तन गर्न सकिने आफ्नो व्यवहार परिवर्तन गर्न चाँहदैन । किनकि उसलाई कसैकाे मनमा छणिककाे लागि सजिनु छ र बाहिरिनु छ । व्यवहारले तपाईंलाई टाढा टाढा सम्म पनि चिनाउने छ सदैव तपाईंकाे सचरित्रकाे हरेकले प्रसंसा गर्नेछन् । अब कुन बाटाे राेजेर अघि बढ्ने त्यो त मान्छेकाे आफ्नो साेच हाे । अरुको आँखामा सजिन चाहनु हुन्छ भने अनुहार सुन्दर पार्न तिर लाग्नुहाेस मनमा सजिन चाहनु हुन्छ भने  व्यवहार सुन्दर पार्न तिर लाग्नुहाेस । अनुहार नराम्रो भएनि व्यवहार राम्रो भयाे भने हरेककाे मन जित्न सक्नु हुन्छ  तसर्थ  अनुहार नराम्रो भयाे भनेर चिन्ता गर्नु भन्दा व्यवहार राम्रो बनाउने काेसिस गर्नु नै तपाईंको उत्तम उपाय हुनेछ ।